Uregwa koherezwa ibaruwa irimo uburozi yashyikirijwe urukiko i New York

Admin 2021-07-24 11:20:41 Politiki

Pascale Ferrier w'i Québec, yatawe muri yombi ku cyumweru ari kwinjira muri leta ya New York k’umupaka w'ahitwa Buffalo. Abategetsi bavuga ko yari yitwaje imbunda.

Gusa Pacale yavuze ko atemera icyaha aregwa cyo gushaka guhungabanya perezida.Iyo baruwa bivugwa ko yoherejwe mu cyumweru gishize, havumbuwe ubukana bwayo itaragera muri White House.

Muri iyo baruwa, uwayanditse asaba Bwana Trump guhagarika kwiyamamaza, ariko harimo na ricin, uburozi karemano buba mu ntete z'ikimera cyo mu bwoko bw'ibibonobono. Muri iyo baruwa yari yanditsemo ati: "Nakuboneye izina rishya: 'Umunyagitugu usa nabi' ndetse n’ibindi.

FBI ivuga ko iyo baruwa iriho ibimenyetso by’intoki z’uregwa.Umunyamategeko we yasabye ko habanza kumenyekana neza niba umwirondoro w'uregwa uhuye n'uw'uwazanywe mu rukiko.

Umucamanza yavuze ko iburanisha rindi rizaba tariki 28 z'uku kwezi kwa cyenda. Uregwa arakomeza gufungwa kugeza icyo gihe kuko abashinjacyaha bavuga ko ashobora gucika arekuwe. 

Src: Bbc

Related Post